R. Dálenovtyń aıtýynsha, Qazaqstannyń uzaqmerzimdi ósim negizi retinde Astana aglomerasııasyn qalyptastyrý maqsatynda 2020 j. deıin Astana aglomerasııasyn damytý boıynsha О́ńiraralyq is-sharalar jospary qabyldandy, onda úsh basty baǵyt boıynsha 82 sharany iske asyrý qarastyrylǵan. Búgingi tańda 72 pýnkt oryndaldy, 10-y boıynsha tıisti jumystar atqarylyp jatyr.
Birinshi. Astana aglomerasııasyn aýmaqtyq jáne ınstıtýsıonaldyq damytý.
Qala qurylysyn josparlaý qujaty — Astana aglomerasııasyn aýmaqtyq damytýdyń óńiraralyq shemasy ázirlenip, bekitildi. Astana qalasyn jáne Aqmola oblysyn damytýdyń 2016-2020 jyldarǵa arnalǵan baǵdarlamalaryna aglomerasııalyq damý bóliginde ózgerister engizildi. Jalpy birinshi mindettiń josparlanǵan 10 is-sharasynyń ishinde 9 is-shara oryndaldy jáne baqylaýdan alyndy, aglomerasııa eldi mekenderin egjeı-tegjeıli josparlaý oryndalý satysynda.
Ekinshi. Respýblıkalyq jáne óńirlik naryqtarda Astana aglomerasııasyn ekonomıkalyq ornyqtyrý.
Astana aglomerasııasynyń ekonomıkalyq mamandanýy qarjylyq, álemdik deńgeıdegi joǵary mamandandyrylǵan medısınalyq, bilim berý qyzmetterin usyný, sondaı-aq joǵary tehnologııalyq óndiristerdi damytý bolyp tabylady. «Sıfrlyq Qazaqstan» memlekettik baǵdarlamasy sheńberinde «aqyldy qalalardyń» úlgilik tujyrymdamasy ázirlendi, ol Smart City tehnologııalaryn iske asyrýdyń negizin qalaýshy qaǵıdattaryn, tásilderin, maqsattaryn, basymdyqtary men mindetterin de aıqyndaıdy. Bul joba birinshi kezekte Astanada iske asyryla bastady.
Sonymen qatar medısınalyq klaster qurylǵan, onyń sheńberinde medısınalyq qyzmetterdiń 6 zamanaýı ortalyǵy jumys isteıdi.Jalpy barlyq 10 is-shara oryndaldy jáne baqylaýdan alyndy.
Úshinshi. О́zek-qala Astanany, onyń qala mańy aımaǵyn jáne tartylys aımaǵyn ınfraqurylymdyq úılestirip damytý.
Astana aglomerasııasy geografııalyq turǵydan tıimdi ornalasa otyryp, Qazaqstannyń barlyq kólik júıelerin odan ári damytýǵa yqpal etetin iri habqa aınalýy tıis.
Mundaı iri ınfraqurylymdyq jobalardy: «Astana — Almaty», «Astana — О́skemen» avtojoldarynyń qurylysyn, jańa áýejaı men temirjol vokzalynyń qurylysyn iske asyrý respýblıkanyń kóliktik karkasyn elordadan bastap shalǵaıǵa odan ári damytýǵa baǵyttalǵan.
Jalpy josparlanǵan 62 is-sharanyń 51 is-sharasy oryndaldy jáne baqylaýdan alyndy, 9 is-shara oryndaý satysynda.
«Qazirgi kezde О́ńiraralyq jospardyń 10 is-sharasy iske asyrylýda. Memleket basshysynyń tapsyrmasy boıynsha 2018 jyldyń sońyna deıin iri qalalardyń, onyń ishinde Astana qalasynyń damýynyń 2050 jylǵa deıingi uzaq merzimdi strategııalary ázirlenetin bolady», — dep naqtylady R. Dálenov.
О́z kezeginde Investısııalar jáne damý mınıstri J. Qasymbek atap ótkendeı, IDM 2020 j. deıin Astana aglomerasııasyn damytý boıynsha О́ńiraralyq is-sharalar josparynyń úsh pýnktin iske asyrý boıynsha jaýapty bolyp tabylady. Búgingi tańda Jospardyń bir pýnkti oryndalǵan, eki pýnkti oryndalý ústinde.
«LRT jobasy iske asyrylýda. Búgingi tańda Qytaı kompanııalary konsorsıýmynyń qatysýshysy – China Railway №2 Engineering Group Co. kompanııasy qurylys-montajdaý jumystaryna lısenzııa (I sanat) aldy jáne qadaly tirek, estakadalardy ornatý boıynsha sharalar júrgizilýde. Barlyq jeli boıynsha qurylys obektilerinde 121 aýyr tehnıka, 2260 jumysshy jumyldyrylǵan», — dedi J. Qasymbek.
Budan ózge, Astana qalasy mańyndaǵy aımaqtyń syrtqy kólik júıelerimen baılanystary bar aınalma joldardy (ishki jáne syrtqy) damytý boıynsha jumystar júrgizilýde.
«Astana q. syrtqy aınalma joldaryn tuıyqtaý maqsatynda «Astananyń Ońtústik–Batys aınalma joly» avtokólik jolyn salý jumystary júrgizilýde. Avtojoldyń uzyndyǵy – 33 shaqyrym. Jol tórt jolaqtyq qozǵalysy bar I tehnıkalyq sanatty bolady. Shart boıynsha qurylys jumystary 2017 jyly bastaldy jáne 2019 jyly jobany aıaqtaý kózdelgen», — dep atap ótti J. Qasymbek.
Sondaı-aq, Astana ákimi Áset Isekeshev, Aqmola oblysynyń ákimi Málik Myrzalın Astana aglomerasııasyn iske asyrý týraly baıandady.
Astana qalasynyń ákimdigi Jospardyń 45 pýnktin oryndady, 8-i atqarylyp jatyr. Aqmola oblysy bekitilgen 32 sharanyń 31-in iske asyrdy.
